• JOFLO HEALTH REFORMATION CENTER

    HII NI KWA WALE WOTE WANOSUMBULIWA NA MAGONJWA YA MOYO FIGO KISUKULI NK WASILIANA NASI KWA SIMU NO 0787426142,0655426142 AU TEMBELEA BLOG YETU www.jhrcenter.blogspot.com USIENDELEE KUTESEKA NA MAGONJWA

Sakata la Mtoto Aliye Teswa na House Girl laja kwa sura mpya

Dah kwa alieoona clip hii ataamini kuwa baadhi ya wanawake wana roho za kikatili. Na sijui huyo msichana ningemfanya nn katika nafasi ya yule baba. Maana.
 
 Na vile naskia habari tofauti wengine wanasema mtoto ameshaaga dunia , wengine wanasema yupo mahututi amepata tatizo la uti wa mgongo. Mungu asimame tu!

Yote sawa, hiki sio kigezo cha kunyanyasa wafanyakazi kwa sababu sio wote wenye roho katili hivi. Wengine wanaanza ukatili baada ya kukatiliwa na mabosi wao. Kuishi vizuri na hawa watu ni muhimu sana. Wao pia ni binadamu.

Ila pia haya ndio maisha ya watoto wengi wanaolelewa na kina mama wa kambo, ni basi tu wengi wao hawajakamatwa na cameras.

Wanaume wanaopenda kuzaa zaa , mtu unakuta anazaa pengine na kuoa pengine, mnaweka damu zenu zisizo na hatia katika ukatili huu. Istoshe suala la uzazi wa mpango limerahisishwa sana.

Ni ushauri tu kwa wanaume, waoe walipozalisha au wazae BAADA TU ya ndoa. Sababu hii ni hulka ya mwanamke ambayo haiwez badilika, hata akupendeje huyo mwanamke, atakunyanyasia mwanao hivi.

Na wazazi waliooana ni vema kudumisha familia kakamavu , lasivyo kutengana kwa Baba na mama huchangia hali.. Hii kwa kiasi kikubwa.

Nia yangu kuu ni , tujue kuwa maamuzi yetu ya sasa yanaashiria kitu mbeleni katika maisha yetu.Tusiwe wachoyo kwa kujifikiria tu na furaha za nafsi zetu, tujali hata wa pembeni yetu pamoja na damu zetu. Tunaweza sambaza upendo kwa kutenda kwa busara leo hii na kila mtu akaishi kwa.furaha na amani

mchezaji wa kimataifa wa Ujerumani na Arsenal Mesut Ozil na Baba yake Mustafa Ozil huenda ukawa umesambaratika kutokana na mabishano ya kisheria

Mustafa aliifikisha kampuni ya masoko ya mwanaye mahakamani akidai pauni 495,000 za mapato yaliyopotea kwenye mkataba wa udhamini huku Mesut naye akidai kurejeshewa mkopo wake wa pauni 800,000
kesi hiyo mwishowe ilifikia tamati nje ya mahakama mwezi uliopita, lakini Mahakama imethibitisha hatua hiyo wiki hii.
Kaka wa Mesut aitwaye Mutlu amekua akisimamia shughuli za ndugu yake kwa kipindi cha mwaka jana baada ya Mesut kumfukuza kazi baba yake.

Hadi kufikia mwaka uliopita, Mustafa Ozil alikua wakala wa mwanae, na pia Mkurugenzi Mtendaji wa kampuni ya masoko ya Mesut huku akishiriki kusimamia uhamisho wa Mesut kutoka Real Madrid kwenda Arsenal kwa pamoja na mkataba wa mamilioni ya pauni kwa kampuni ya Adidas inayomdhamini mwanaye huyo.

Akizungumza na Gazeti la Express la mjini Cologne wiki hii, Mustafa Ozil amedai kuwa mpenzi wa mwanae Mandy Capristo ndiye aliyevuruga uhusiano wake na mwanae.

WAZIRI MUHONGO AKUTANA NA MAKAMU WA RAIS WA MCC

8Waziri wa Nishati na Madini, Profesa Sospeter Muhongo (katikati) akisistiza jambo katika kikao baina ya Makamu wa Rais wa Mfuko wa Changamoto za Millenia (MCC) Kamran Khan (wa pili kushoto) na ujumbe wake akiwemo Balozi wa Marekani nchini Mark Childress(wa kwanza kushoto). Wengine wa kwanza ni Naibu Katibu Mkuu wa Wizara ya Nishati na Madini, Mhandisi Ngosi Mwihava na watendaji wa Wizara,na wa taasisi za Wizara wakifuatilia kikao hicho
9Makamu wa Rais wa Mfuko wa Changamoto za Millenia (MCC) Kamran Khan ( wa kwanza kushoto ) akimweleza jambo Waziri wa Nishati na Madini Profesa Sospeter Muhongo (wa kwanza kulia) anayesikiliza katikati ni Balozi wa Marekani nchini, Mark Childress mara baada ya kikao hicho.
11Waziri wa Nishati na Madini Profesa Sospter Muhongo katikati) katika picha ya pamoja ofisini kwake na Makamu wa Rais wa Mfuko wa Changamoto za Millenia (MCC) Kamran Khan (kushoto) na Balozi wa Marekani nchini , Mark Childress (Kulia)..
Na Asteria Muhozya, Dar es Salaam
Waziri wa Nishati na Madini Profesa Sospeter Muhongo amekutana na Makamu wa Rais wa Mfuko wa Changamoto za Millenia (MCC) Kamran Khan na Ujumbe wake akiwemo Balozi wa Marekani nchini Mark Childress, katika kikao kilicholenga kujadili maendeleo ya utekelezaji wa Mradi wa MCC Awamu ya pili na masuala ya kuendeleza sekta ya nishati nchini. 
Kikao hicho kimezihusisha pia taasisi zilizo chini ya Wizara ya Nishati na Madini ikiwemo, Wakala wa Nishati Vijijini (REA), Shirika la Umeme Tanzania (Tanesco), Shirika la Madini la Taifa (STAMICO), Shirika la Maendeleo ya Petroli Tanzania (TPDC), Kampuni ya Uendelezaji Jotoardhi Tanzania (TGDC) pamoja na taasisi nyingine za Serikali ikiwemo Shirika la Maendeleo la Taifa (NDC) na Mamlaka ya Udhibiti wa Huduma za Maji na Nishati (EWURA). 
 Katika kikao hicho, Profesa Sospeter Muhongo amezitaka taasisi hizo kutekeleza miradi hiyo kwa kasi zikizingatia suala la uwajibikaji, ubunifu, uwazi na kuongeza kuwa, miradi hiyo itatekelezwa bila kuwepo na mazingira ya rushwa , huku akisisitiza ushirikiano baina ya serikali na sekta binafsi katika uendelezaji wa miradi hiyo.
Kwa upande wake Makamu wa Rais wa MCC, Kamran Khan ameahidi kutoa ushirikiano kwa Wizara katika kutekeleza miradi hiyo ambayo inalenga kuhakikisha kuwa Tanzania inakuwa na umeme wa uhakika na wa kutosha. 
Kwa upande wake Balozi wa Marekani nchini Mark Childress amesisitiza suala la kuzingatia muda katika utekelezaji wa miradi hiyo na kuongeza kuwa, hakuna sababu itakayokwamisha miradi hiyo.

Shirika la ndege la Kenya, Kenya Airways linasema limepata hasara ya dola milioni 116 katika kipindi cha nusu mwaka kinachomalizika mwezi huu wa Novemba.

 
Shirika hilo linasema hasara hiyo imetokana na mlipuko wa Ebola katika nchi tatu za Afrika Magharibi na kuzorota kwa hali ya usalama.

Mwandishi wa BBC aliyefuatilia taarifa hiyo Emmanuel Igunza anasema kuwa huu ni mwaka wa pili kwa kampuni hiyo kurekodi hasara. Idadi ya wasafiri imepungua mwaka huu kutokana na taarifa kuhusu hali mbaya ya usalama nchini Kenya.

Mkurugenzi mkuu wa shirika hilo Mbuvi Ngunze anasema utendaji wa shirika hilo pia uliathiriwa na kusitishwa kwa safari za ndege katika mataifa ya Sierra Leone na Liberia -chi ambazo ziliathiriwa zaidi na Ebola.

Katika kipindi cha kati kati ya mwawezi wa Augost, Kenya Airways ilitangaza kuwa imesitisha safari zake katika nchi hizo mbili Safari hizo bado hazijafufuliwa.

Ngunze ameonya kuwa mapato ya kampuni hiyo yanaweza kushuka hata zaidi kama shirika hilo litaendelea kusitisha safari hizo.

Lakini si kampuni hiyo tu iliyoathiriwa na mlipuko wa Ebola katika nchi za Liberia, Sierra Leone na Guniea.

Shirika la ndege la Ethiopia, Ethiopian Airlines pia hivi karibuni lilisema kuwa mapato yake yameshuka hadi kwa kiwango cha asilimia 20 kufuatia hofu ya wasafiri juu ya Ebola.

Mamia Wajitokeza Kwenye Mkutano wa Hadhara wa Mwenyekiti wa Chadema na Mbunge wa Hai Freeman Mbowe Mpanda Mjini

 Helkopta inayotumiwa na Mwenyekiti wa Chama cha Demokrasia na Maendeleo (Chadema), Freeman Mbowe katika mikutano yake ya Oparesheni Delete CCM, ikitua katika Uwanja wa Shule ya Msingi Kashaulili mjini Mpanda juzi.
 Helkopta inayotumiwa na Mwenyekiti wa Chama cha Demokrasia na Maendeleo (Chadema), Freeman Mbowe ikiondoka katika Uwanja wa Shule ya Msingi Kashaulili mjini Mpanda, baada ya mkutano wa hadhara wa Oparesheni Delete CCM, uliofanyika juzi.
 Mwenyekiti wa Chama cha Demokrasia na Maendeleo (Chadema), Freeman Mbowe akiwahutubia maelfu ya wakazi wa mji wa Mpanda na vitongoji vyake, kayika mkutano wa hadahara wa Oparesheni Delete CCM, juzi.

 Mwenyekiti wa Chama cha Demokrasia na Maendeleo (Chadema), Freeman Mbowe akikabidhi kadi ya chama hicho kwa aliyekuwa kiongozi wa CCM katika Ktaa wa Makanyagio mjini Mpanda, Boniphace Futakamba baada ya mkutano wa hadhara wa Oparesheni Delete CCM juzi.
Mwenyekiti  wa Chama cha Demokrasia na Maendeleo (Chadema), Freeman Mbowe akiwapungia mkono wananchi wa mji wa Mpanda, wakati akiondoka katika Uwanja wa Shule ya Msingi Kashaulili mjini Mpanda, ambako alihutubia mkutano wa hadhara wa Oparesheni Delete CCM juzi.

MREMA AENDELEA NA MIKUTANO JIMBONI KWAKE VUNJO

  Mkutano wa hadhara wa chama cha Tanzania Labour (TLP) uliokuwa ukihutubiwa na Mbunge wa jimbo la Vunjo Agustine Mrema jirani na matanki ya Maji katika kijiji cha Mieresini wilaya ya Moshi vijijini

 
Afisa uhusiano wa Mamlaka ya Maji na Usafi wa Mazingira mjini Moshi (MUWSA) Frolah Nguma (aliyesimama)akitoa ufafanuzi juu ya maswala ya maji baada ya Mbunge Mrema kumtaka kufanya hivyo muda mfupi baada ya maofisa wa Mamlaka hiyo kufika katika Matenki ya Maji kwa ajili ya ukaguzi wa kawaida
Msimamizi mkuu wa (MUWSA) Kituo cha Himo Brucevictor Sangawe akitoa ufafanuzi kwa wananchi mbele ya mbunge wa jimbo la Vunjo ,Agustine Mrema juu ya upatikanaji wa maji kwa wakazi wa maeneo ya ukanda wa juu katika mji wa Himo
 
Msimamizi mkuu wa (MUWSA) Kituo cha Himo Brucevictor Sangawe akitoa ufafanuzi kwa wananchi mbele ya mbunge wa jimbo la Vunjo ,Agustine Mrema juu ya upatikanaji wa maji kwa wakazi wa maeneo ya ukanda wa juu katika mji wa Himo
 
Baadhi ya wananchi waliohudhuria mkutano wa hadhara wa Mbunge Mrema.
 
Mh Mrema akifuatilia maelezo ya maofisa wa Mamlaka ya maji na usafi wa Mazingira mjini Moshi (MUWSA) walipokuwa wakitoa maelezo kwa wananchi (hawapo pichani)  ,Na Dixon Busagaga wa Globu ya Jamii ,Kanda ya kasakazini.

Hali ya Rais Kikwete yazidi kuimarika,awasiliana na wananchi kwa simu yake ya mkononi

Rais wa Jamhuri ya Muungano wa Tanzania, Mheshimiwa Jakaya Mrisho Kikwete jana, Jumatatu, Novemba 10, 2014, alianza kuwasiliana na mamia kwa mamia ya wananchi mbali mbali nchini kujibu ujumbe mfupi wa maandishi (SMS) wa kumpa pole, kumtakia heri na nafuu ya haraka ambao amekuwa anatumiwa na wananchi tokea mwishoni mwa wiki.

Tangu alipofanyiwa upasuaji wa tezi dume (prostrate) Jumamosi iliyopita kwenye Hospitali ya Johns Hopkins, Baltimore, Jimbo la Maryland, Marekani, Rais Kikwete amepokea mamia kwa mamia ya SMS zikimpa pole na kumtakia nafuu ya haraka.

Rais Kikwete bado anaendelea kujibu SMS hizo na wananchi ambao wamemtumia SMS Rais Kikwete waendelee kusubiri majibu ya Mhe. Rais kwa sababu anakusudia kujibu SMS zote ambazo ametumiwa.

Aidha, Rais Kikwete jana alizungumza kwa simu na uongozi wa juu wa Tanzania kwa mara ya kwanza tokea afanyiwe upasuaji. Rais alizungumza na Makamu wa Rais Mheshimiwa Dkt. Mohamed Gharib Bilal, Rais wa Zanzibar Mheshimiwa Dkt. Ali Mohamed Shein na Waziri Mkuu Mizengo Peter Pinda.

Wakati huo huo, madaktari wanaondelea kumtibu Rais Kikwete jana waliondoa bandeji kwenye sehemu ambako alifanyiwa upasuaji wakieleza kuwa hali yake inaendelea vizuri na anapata nafuu kwa kasi nzuri.
Rais Dkt.Jakaya Mrisho Kikwete akiwasiliana na baadhi ya wananchi waliokuwa wakimjulia hali kupitia simu yake ya mkononi kupitia ujumbe mfupi(sms) leo Jumatatu.Rais Kikwete anayepata matibabu katika hospitali ya Johns Hopkins jijini Baltimore Maryland nchini Marekani anaendelea vizuri na anafanya mazoezi mara kwa mara na afya yake inaendelea kuimarika(picha na Freddy Maro)

Mwisho.
Imetolewa na;
Kurugenzi ya Mawasiliano ya Rais,
Ikulu – Dar es Salaam.
11 Novemba,2014

Wahitimu Wa Kidato Cha Sita Mwaka 2014 Na Kidato Cha Nne Mwaka 2013 Waliochaguliwa Kujiunga Na Jeshi La Polisi Baada Ya Usaili Kukamilika


WIZARA YA MAMBO YA NDANI YA NCHI
JESHI LA POLISI
Maelekezo Muhimu.

  1. Wahitimu wa kidato cha sita mwaka 2014, kidato cha nne mwaka 2013 na JKT Mafinga, Mlale, Ruvu, Mgambo, Bulombola, Kanembwa, Itende, Nachingwea, Mbweni, Maramba, Chita, Makutupola, Mtabila, Msange, Mgulani, Oljoro, Rwankoma na Kimbiji wamechaguliwa kujiunga na mafunzo ya awali ya Jeshi la Polisi.
  2. Wahitimu hawa waliochaguliwa wanatakiwa kuripoti tarehe 28/11/2014 kwa Makamanda wa Polisi wa Mikoa kama ilivyooneshwa kwenye jedwali hapa chini ili waandaliwe usafiri wa kuwapeleka Shule ya Polisi Tanzania tarehe 30/11/2014.
  3. Zoezi la usajili litaanza shuleni hapo tarehe 01/12/2014 hadi tarehe 15/12/2014. Atakaefika kuanzia tarehe 16/12/2014 hatapokelewa.
  4. Atakaeamua kuripoti kwa Kamanda wa Polisi ambako hakupangiwa atalazimika kujigharimia usafiri hadi Shule ya Polisi Tanzania mjini Moshi.
  5. Vijana hawa watalazimika kufika shuleni wakiwa na mahitaji yafuatayo:
  6.  
    1. Vyeti vyao vyote vya masomo( original Academic Certificates/Result slip pamoja na Leaving certificates) kidato cha Nne/Sita, Vyeti vya kuzaliwa (Original Birth certificates). Hati ya kiapo cha kuzaliwa haitakubalika.
    2. Mashuka mawili rangi ya Bluu Bahari (light blue)
    3. Chandarua chenye upana futi tatu
    4. Nguo za michezo(Track suit nyeusi,Tshirt blue na Raba)
    5. Pasi ya Mkaa
    6. Ndoo moja
    7. Pesa za kulipia bima ya afya kiasi cha shilingi elfu hamsini na mia nne tu (50,400/=).
    8. Pesa kidogo ya kujikimu.
    9.  
  7. Kwa mujibu wa kanuni za shule ya Polisi ni marufuku kufika shuleni na simu ya mkononi. Atakayepatikana na simu atafukuzwa shuleni hapo. Shule itaelekeza na kusaidia kufanya mawasiliano.
  8. Angalia orodha kwenye tovuti ya www.policeforce.go.tz au fika Ofisi ya kamanda wa Polisi Mkoa wa Mbeya iliyopo Forest barabara ya mahakama kuu.

Suala la wapenzi wa jinsia moja na sheria nchini Uganda baado linazua mijadala nchini humo

 
Sheria kali iliyokuwa imepitishwa ilisababisha jamii ya kimataifa kuinyima Uganda msaada  
 
Miezi mitatu tangu mahakama nchini humo kuibatilisha sheria dhidi ya ushoga kwa sababu za kiufundi sasa habari zingine zimeanza kujitokeza kuhusu uwezekano wa serikali kuleta tena muswada huo bungeni.

Kujitokeza tena kwa suala hilo wakati huu ni baada ya hati maluum kuvujishwa . Hati hiyo ya kurasa tano ni ya muswada jaribio kuhusu suala la mapenzi ya watu wa jinsia moja.

Hati hiyo inaitwa : 'Mswada wa mwaka 2014 kuzuia kueneza visa vya kujamiiana ambavyo si asili wa mwaka wa 2014.

Katika hati hiyo kuna pendekezo la kifungo cha miaka saba ikiwa mtu atapatikana na hatia ya kile kinachoweza kuitwa kufagilia ushoga.

Neno lilotumiwa ni kutangaza na hivyo kutiliwa mkazo badala ya sheria ya zamani iliokuwa inatilia mkazo ushoga wenyewe.

Wachambuzi wanasema kuwa hati hii ikipasishwa kama sheria itakuwa mbaya zaidi ya ile iliobatilishwa kwani itawahukumu watu wengi mkiwemo vyombo vya habari pamoja na watu wote wanaotumia mitandao yote ya kijamii

Maandamano yalifanyika Uganda kumunga mkono Rais kwa kupitisha sheria kali dhidi ya ushoga  
 
Hati hii inasema kuwa mtu yeyote akipatikana na hatia atahukumiwa kifungo cha miaka saba.

Sheria iliobatilishwa na mahama mapema Agosti mwaka huu miongoni mwa mengine ilikuwa inasema yeyote akipatikana na hatia atafungwa jela maisha.

Waziri wa taifa wa sheria na naibu mwanasheria mkuu Fred Ruhindi akizungumza na BBC kwa simu amekataa kutoa kauli kwa kile alichoita hati iliovujishwa na kusema kuwa mchakato kuhusu sheria mpya ya kudhidbiti ushoga unaendelea.

Yeye waziri anaehusika na maadili Padri Lokodo amesema hajui lolote kuhusu hati hiyo.

Baadhi ya vyombo vya habari viliwatangaza watu mashuhuri wanaoshiriki mapenzi ya jinsia moja  
 
Punde baada mahakama kubatilisha sheria hiyo mapema mwezi Agosti mwaka huu, chama tawala cha NRM kiliunda kamati maalum ya watu 10, ikiongozwa na makamu wa rais Edward Sekandi, kutahmini muswada hatua hiyo.

Hadi sasa haijatoa taarifa yoyote kuhusu kazi yao mpaka muda huu ambapo hati ya mwaswada kuvujishwa.

Mchakato wa kuunda sheria dhidi ya ushoga ilianza mwaka wa 2009 na imepitia awamu kadhaa kutokana na utata wa suala hilo.

Huku wanaounga mkono kuweka sheria kali dhidi ya mapenzi hayo, baadhi ya makundi ya kutetea haki za binadamu pamoja na mataifa ya magharibi yanapinga hilo yakisem ani kugandamiza haki za bindamu.

Na serikali pamoja na mashirika ya misaada ya kimaghari yamekata miaaada kwa serikali ya Kampala kuhusiana na suala la mapenzi ya watu wa jinsia moja.
 
Na hivyo suala la mapenzi hayo baado linavuma Uganda
 Habari na BBCswahili.com

WAZIRI MKUU ATAKA VITA DHIDI YA UJANGILI IWE YA PAMOJA

IMG_5158
Waziri Mkuu, Mizengo Pinda akisalimiana na Naibu Waziri wa Nchi Ofisi ya Waziri Mkuu, Aggrey Mwanri mara baada ya kuwasili kwenye makao makuu ya jumuiya ya Afrika Mashariki kufunga Mkutano wa kupiga vita dhidi ujangili wa wanyamapori na kuendeleza uhifadhi wa wanayamapori mjini Arusha Novemba 8, 2014. Kushoto ni Waziri wa Mali asili na utalii Mh. Lazaro Nyalandu na wa pili kulia ni Naibu Waziri, Ofisi ya Makamu wa Makamu wa Rais (Mazingira) Mhe. Ummy Mwalimu.(Picha zote na Zainul Mzige wa MOblog

* Ataka iundwe timu kufuatilia utekelezaji wa Azimio la Arusha 2014
Na Ofisi ya Waziri Mkuu
WAZIRI MKUU Mizengo Pinda amesema inahitajika dhamira ya kweli kutoka kwa wadau wote katika kutekeleza Azimio la Arusha la kukabiliana na ujangili na kuendeleza hifadhi za wanyama katika nchi za Afrika Mashariki na zilizo Kusini mwa Ikweta.

Akizungumza na waandishi wa habari jana jioni (Jumamosi, Novemba 8, 2014) mara baada ya kufunga mkutano wa kikanda wa siku mbili uliojadili mbinu za kupambana na biashara haramu ya wanyamapori ulioandaliwa na Wizara ya Maliasili na Utalii jijini Arusha, Waziri Mkuu alisema: “Suala hili linataka uwajibikaji wa pamoja. Mashirika na taasisi, wananchi na viongozi sote kama wadau wakuu, kila mmoja anapaswa kushiriki vita hii kama kweli tunataka tuitokomeze.”


“Kwenye hili Azimio la Arusha na nyie waaandishi wa habari pia mna sehemu yenu mmetajwa... wamesema wanatafuta jinsi ya kushirikiana na vyombo vya habari ili visaidie kutoa elimu kwa jamii kama njia ya kuelimisha umma,” alisema.

Waziri Mkuu aliwaeleza waandishi hao kwamba Azimio hilo lina vipengele 20 ambavyo vinataka utekelezaji katika ngazi ya nchi mojamoja, ngazi na kanda na ngazi ya kimataifa kwa kushirikiana na wadau wa maendeleo.
IMG_5160
Waziri Mkuu, Mizengo Pinda akielekea kwenye chumba cha mapumziko kabla ya kufunga mkutano wa kupiga vita dhidi ujangili wa wanyamapori na kuendeleza uhifadhi wa wanyamapori mjini Arusha Novemba 8, 2014. Kushoto ni Waziri wa Mali asili na utalii Mh. Lazaro Nyalandu, wa pili kulia ni Naibu Waziri wa Nchi Ofisi ya Waziri Mkuu, Aggrey Mwanri na kulia ni Naibu Waziri, Ofisi ya Makamu wa Makamu wa Rais (Mazingira) Mhe. Ummy Mwalimu.

“Nimepata faraja kwamba mkutano huu haukuisha kijumlajumla tu, bali umekuja na maazimio 20 ambayo yametengwa kwa ajili yetu sisi wa ndani, mengine yanahusisha ushirikiano wa kikanda na yako mengine yanawahusisha wadau wa maendeleo,” alifafanua.

Ili kutekeleza azimio hili, nimeshauri iundwe timu itakayoshirikisha vyombo vingi zaidi badala ya kuiachia Wizara ya Maliasili na Utalii peke yake. Timu hii ikutane kila baada ya miezi sita ili kufuatilia utekelezaji wa maazimio haya na ikibidi Waziri atoe taarifa bungeni kuhusu utekelezaji huo,” alisema Waziri Mkuu.

Mapema, akizungumza na washiriki wa mkutano huo wakati wa kuufunga, Waziri Mkuu alisema kuwepo kwa watu wa ngazi tofauti kwenye mkutano huo ni kielelezo tosha cha umakini wao na nia thabiti ya kutokomeza ujangili katika ukanda huu.
IMG_5167
Waziri Mkuu, Mizengo Pinda akiteta jambo na Waziri mdogo wa Marekani anayeshughulikia Uchumi, Nishati na Mazingira, Bi. Catherine Novelli kwenye chumba maalum cha mapumziko kabla ya kuelekea kwenye ukumbi wa mikutano makao makuu ya Jumuiya ya Afrika Mashariki kufunga mkutano wa kupiga vita dhidi ujangili wa wanyamapori na kuendeleza uhifadhi wa wanayamapori mjini Arusha Novemba 8, 2014.

“Tumeanzisha vita, tusisahau kwamba bado kuna kazi kubwa mbele yetu na vita haijaisha. Tuzidishe mapambano katika sehemu tatu: kwenye nchi unakofanyika ujangili, nchi ambazo nyara zinapitishwa na nchi zinazopokea ama kununua hizo nyara,” alisema Waziri Mkuu.
“Nakubaliana nanyi kwamba hakuna nchi inayoweza kukabili suala la ujangili ikiwa peke yake. Tunahitaji tuwe na sera mahsusi, sera ya pamoja ya kutuunganisha na kutuongoza wakati tukitekeleza Azimio hili kwa kusaidiana na wadau wa maendeleo,” alisema.

Alisema Azimio hilo litaipa kazi ya ziada ya Wizara ya Maliasili na Utalii ambapo kazi kubwa itakuwa ni kusimamia na kuhakikisha utekelezaji wa wa Azimio hilo unakuwa wa ufanisi.
Jumla ya nchi tisa zimetia saini azimio hilo mbele ya Waziri Mkuu, Mizengo Pinda. Nchi hizo ni Burundi, Kenya, Uganda, Msumbiji, Tanzania, Sudan Kusini, Zambia, Rwanda na Malawi.
IMG_5170
Waziri Mkuu, Mizengo Pinda akisalimiana na Mbunge wa Kahama, James Lembeli, huku Waziri wa Mali asili na Utalii, Mh. Lazaro Nyalandu akifurahi jambo ndani ya chumba cha mapumziko kabla ya kuelekea kwenye chumba cha mikutano.
IMG_5169
Waziri Mkuu, Mizengo Pinda akizungumza na Waziri mdogo wa Marekani anayeshughulikia Uchumi, Nishati na Mazingira, Bi. Catherine Novelli (wa pili kulia) kwenye chumba cha mapumziko baada ya kuwasili ukumbi hapo. Kushoto ni Mratibu Mkazi wa mashirika ya Umoja wa Mataifa na mwakilishi wa Shirika la Maendeleo la Umoja wa Mataifa (UNDP) nchini, Alvaro Rodriguez na kulia ni Naibu Waziri, Ofisi ya Makamu wa Makamu wa Rais (Mazingira) Mhe. Ummy Mwalimu.
IMG_5182
Waziri Mkuu Mizengo Pinda, akibadilishana mawazo na Mratibu Mkazi wa mashirika ya Umoja wa Mataifa na mwakilishi wa Shirika la Maendeleo la Umoja wa Mataifa (UNDP) nchini, Alvaro Rodriguez, kwenye chumba maalum cha mapumziko.
IMG_5253
Waziri wa Mali asili na utalii, Mh. Lazaro Nyalandu akimkaribisha Waziri Mkuu Mizengo Pinda (wa pili kushoto) kufunga rasmi mkutano wa kupiga vita dhidi ujangili wa wanayamapori na kuendeleza uhifadhi wa wanyamapori mjini Arusha Novemba 8, 2014. Kutoka kulia ni Mkuu wa Mkoa wa Arusha, Mh. Magese Mulongo, Naibu Waziri, Ofisi ya Makamu wa Makamu wa Rais (Mazingira) Mhe. Ummy Mwalimu, Mbunge wa Kahama, James Lembeli na Waziri mdogo wa Marekani anayeshughulikia Uchumi, Nishati na Mazingira, Bi. Catherine Novelli wakiwa meza kuu.
IMG_5264
Waziri Mkuu Mizengo Pinda, akizungumza na wadau waliohudhuria mkutano wa kupiga vita dhidi ujangili wa wanayamapori na kuendeleza uhifadhi wa wanyamapori mjini Arusha Novemba 8, 2014 wakati akifunga rasmi mkutano huo wa siku mbili.
IMG_5198
Mwakilishi wa Balozi wa Ufaransa nchini Tanzania akichukua taswira za baadhi ya matukio yaliyokuwa yakiendelea mkutanoni hapo.
IMG_5197
Baadhi ya wadau mbalimbali walioshiriki mkutano huo.
IMG_5236
Baadhi ya wawakilishi kutoka nchi tisa wakitia saini Azimio la Arusha la kukabili ujangili mbele ya Waziri Mkuu, Mizengo Pinda. Nchi hizo ni Burundi, Kenya, Uganda, Msumbiji, Tanzania, Sudan Kusini, Zambia, Rwanda na Malawi.
IMG_5205
Mratibu Mkazi wa mashirika ya Umoja wa Mataifa na mwakilishi wa Shirika la Maendeleo la Umoja wa Mataifa (UNDP) nchini, Alvaro Rodriguez, akizungumza kwa niaba ya Umoja wa Mataifa kwenye ufungaji wa mkutano wa kupiga vita dhidi ujangili wa wanyamapori na kuendeleza uhifadhi wa wanyamapori mjini Arusha Novemba 8, 2014.
IMG_5224
Balozi wa Ujerumani nchini, Egon Kochanke, akizungumza kwa niaba ya serikali ya Ujerumani.
IMG_5212
Waziri Mkuu, Mizengo Pinda akiteta jambo na Waziri wa Mali asili na utalii, Mh. Lazaro Nyalandu wakati wa ufungaji rasmi wa mkutano huo uliodumu siku mbili jijini Arusha.
IMG_5268
Waziri Mkuu Mizengo Pinda akiondoka ukumbini hapo mara baada ya kuufunga rasmi mkutano huo.

Kutoka IKULU:Rais Jakaya Kikwete Aendelea Vyema Sana na Matibabu Anayopatiwa Nchini Marekani

Rais Jakaya Mrisho Kikwete akiongea na Balozi wa Tanzania nchini Marekani Mhe Liberata Mulamula aliyekwenda kumjulia hali katika hospitali ya John Hopkins iliyopo Baltimore, Maryland, nchini Marekani, leo Jumapili, siku moja baada ya kufanyiwa upasuaji wa Tezi Dume.Picha na IKULU

Habari kutoka hospitalini hapo zinasema Rais Kikwete anaendelea vyema na leo asubuhi alianza mazoezi ya kutembea, kuashiria kwamba mambo yote ni mswano. Tutaendelea kwuashirikisha taarifa ya maendeleo yake mara kwa mara. Tuzidi kumuombea apate nafuu haraka ili arejee nyumbani
kulijenga Taifa

Inadaiwa kuwa wanunuzi, raia wa Uchina walinunua maelfu ya kilo za pembe za ndovu nchini Tanzania na kuzitorosha kutoka nchini humo katika ndege ya kibinafsi ya raia wa Uchina Xi Jinping,wakati alipozuru bara Afrika

 
 Rais Xi JinPing wa Uchina alizuru nchini tanzania mwaka uliopita
 
Kulingana na shirika la ujasusi la mazingira lililo na makao yake mjini London.

Pembe hizo zilinunuliwa wiki moja tu kabla ya ziara ya rais huyo wa Uchina nchini tanzania mwaka ulioipita ambapo zilifichwa katika mifuko ya wanadiplomasia ili kutokamatwa.

Pembe za ndovuShirika hilo pia linadai kwamba wajumbe waliokuwa wakiandamana na Rais Xi walinunua viwango vikubwa vya pembe hizo.

Uuzaji wa Pembe za ndovu ulipigwa marufuku mwaka 1989 ili kuwazuia wawindaji haramu kuwaua ndovu
Habari Na BBCswahili.com

Tanzania imeshtushwa na ripoti inayoelezea biashara haramu ya meno ya tembo kati ya baadhi ya viongozi wa nchi hiyo na China

 
Serikali ya nchi hiyo imesema imesikitishwa na ripoti iliyotolewa na taasisi ya uchunguzi ya mazingira inayodai kwamba majangili wa kichina wakishirikiana na baadhi ya viongozi wa serikali ya Tanzania ndio wanaoangamiza idadi ya tembo kutokana na biashara haramu ya meno ya tembo.

Inadaiwa kwamba raia wa China walitumia ziara ya rais wao nchini humo kusafirisha kimagendo maelfu ya kilo za pembe za ndovu.

Kulingana na shirika la utafiti wa mazingira, EIA, Pembe hizo zilinunuliwa wiki moja tu kabla ya ziara ya rais huyo nchini tanzania mwaka jana na zilifichwa katika mifuko ya wanadiplomasia ili zisitambuliwe.

Msemaji wa serikali Assah Mwambene amemwambia mwandishi wa BBC Aboubakar famau kwamba ripoti kama hiyo zinatatiza jitihada za serikali kukabiliana na uuzaji haramu wa pembe za ndovu

Kutoka IKULU:Rais Jakaya Kikwete Aelekea Nchini Marekani

  Rais Profesa Jakaya Mrisho Kikwete akisindikizwa na Mkuu wa Mkoa wa Dar es salaam Mhe Said Meck Sadik na Meneja wa Emirates katika uwanja wa Ndege wa Kimataifa wa Julius Nyerere kabla ya kupanda ndege ya shirika la Emirates kuelekea Marekani leo Novemba 6, 2014
Rais Profesa Jakaya Mrisho Kikwete akiagana na askari pamoja na wafanyakazi katika uwanja wa Ndege wa Kimataifa wa Julius Nyerere kabla ya kupanda ndege ya shirika la Emirates kuelekea Marekani leo Novemba 6, 2014.Picha na IKULU

UKAWA WALIPOSAINI MAKUBALIANO MAPYA,NI KUACHIANA KWENYE UCHAGUZI WA SERIKALI ZA MITAA

 Baadhi ya viongozi wa UKAWA, wakielekea kwenye ukumbi wa mkutano makao makuu ya CUF, Buguruni jijini Dar es Salaam, Jumanne Nov 4, 2014
 Sehemu yamakubaliano ya UKAWA yaliyotiwa saini

Kutoka kushoto, Katibu Mkuu CHADEMA, Dkt. Wilbroad Slaa, Mwenyekiti wa CUF, Profesa Ibrahim Lipumba, na Mwenyekiti wa NCCR-Mageuzi, James Mbatia, wakisaini makubaliano hayo ya UKAWA
  Katibu Mkuu wa UKAWA, ambaye pia ni Katibu Mkuu wa CHADEMA, Dkt. Wilbroad Slaa, akizungumza kwa kutumia nyaraka
Mwenyekiti mwenza wa UKAWA, ambaye pia ni Mwenyekiti wa CUF, Profesa Ibrahim Lipumba, akizungumza kuhusu ushirikiano huo


Mwenyekiti wa NCCR-Mageuzi, James Mbatia, (Kulia), akizungumza baada ya kutiliana saini makubaliano hayo
 
Viongozi wa vuguvugu la Katiba ya Wananchi, (UKAWA), wakionyesha hati ya makubaliano baada ya kutia saini  Jumanne Novemba 4, 2014 kwenye ofisi za makao makuu ya CUF, Buguruni jijini Dar es Salaam. Chini ya makubaliano hayo, yaliyohusisha vyama vinne, CHADEMA, CUF, NCCR-Mageuzi na NLD, yataanza kutekelezwa kwenye uchaguzi wa serikali za mitaa unaotarajiwa kufanyika baadaye mwaka huu ambapo, UKAWA utamsimamisha mgombea anayekubalika kwenye eneo husika bila ya kujali chama. Hata hivyo mwakilishi wa NLD hakuwepo na ikaelezwa kuwa atasaini baadaye
 
UHURUTZ © 2010 | DESIGNED BY ZEPHANIA RICHARD KAYAGA