UTPC YAWATAKA WAANDISHI KUACHA MIGOGORO

Mkurugenzi Mtendaji wa Shirikisho la Vilabu vya Waandishi wa Habari

Nchini  (UTPC), Bw Abubakar Karsan akiwa na Waandishi wa Habari Mkoani Geita

Na Antony Sollo Geita.

Mkurugenzi Mtendaji wa Shirikisho la Vilabu vya Waandishi wa Habari

Nchini  (UTPC),Bw Abubakar Karsan amewataka Waandishi wa Habari Mkoani

Geita kuachana na Migogoro ambayo imekuwa ni chanzo cha kukwamisha

maendeleo ya Klabu hiyo ,huku akiwataka kutumia kalamu yao kuandika

Habari kuhusiana na fursa zilizopo Mkoani humo.

Karsani ametoa kauli hiyo  wakati akifungua Mkutano Mkuu wa dharura

ulioitishwa kwa ajili ya kuchagua viongozi wa muda watakaoiongoza

Klabu  ya  Waandishi   wa Habari  ya Mkoa wa   Geita kwa kipindi cha

mwaka mmoja   baada ya  uongozi  uliokuwepo   hapo  mwanzo

kutenguliwa  na wananchama   wa chama chama hicho.

Awali Bw.Karsan  aliwataka Waandishi wa Habari Mkoani humo kuhakikisha

wanaipa nguvu Sera ya Viwanda kwa kuandika na kutangaza fursa ambazo

zinapatikana.

“Ndugu Waandishi wa Habari wa Mkoa huu naomba kuwaambia ninyi ni Klabu

muhimu mno maana Mkoa huu ndiyo anakotoka Rais wa Jamhuri ya Muungano

wa Tanzania ni aibu kuendekeza migogoro isiyo natija kwa maendeleo ya

Tasnia ya Habari nawaomba mchague Viongozi wasafi wasio

walafi,wabinafsi maana kufanya hivyo kutawarudisha nyuma

kimaendeleo”alisema Karsan.

Aidha Bw.Karsan aliwaomba waandishi wa Habari wa Klabu hiyo mara

watakapoitisha Mkutano Mkuu wa 2020 wamuombe Rais wa Jamhuri ya

Muungano wa Tanzania Dkt John Pombe Magufuli kuwa Mgeni Rasmi.

“Ninyi ni Klabu ambayo ni sawa na Kioo maana Mkoa wenu umefanikiwa

kutoa Kiongozi Mkuu wa Nchi hivyo nawaomba Mkafungue Tawi Wilaya ya

Chato  na mjitahidi kuandika Habari za kuutangaza Mkoa wa Geita pamoja

na Historia ya Rais wa Jamhuri ya Muungano wa Tanzania”alisema Karsan.

Katika Uchaguzi huo aliyechaguliwa kishika nafasi ya Mwenyekiti ni

Mutta Robart ,Makamu Mwenyekiti wake akiwa ni Esther Sumira,Katibu

Mkuu Mtendani wa Klabu hiyo ni Emmanuel Ibrahimu,huku nafasi ya Katibu

Msaidizi akishikiliwa na Joel Maduka,nafasi ya Mweka hazina

imeshikiliwa na Editha Edward ,na Msaidizi wake Anna Ruhasha, kwa

upande wa wajumbe wa Kamati Tendaji ni Renatus  Masuguliko,Antony

Sollo na Alphonce Kabilando.

Wakizungumza baada ya Uchaguzi huo Wanachama wa klabu hiyo wameomba

Viongozi kuwa wawazi kwenye shughuli za kila siku na kuachana na mambo

ya  usiri na ubinafsi.

Mwenyekiti mpya wa Klabu hiyo Mutta Robart aliwashukuru wanachama wa

Klabu hiyo kwa kumuuamini kushika wadhifa huo ambapo aliwaahidi kuwapa

ushirikiano na kusema kuwa nafasi waliyompa ataitendea Haki na kwa

kufuata Katiba.

“Nawashukuruni sana kwa kuniamini na kunikabidhi jukumu hili la

kuongoza Chama hiki nawaahidi nitaitendea Haki nafasi hii na pia

nitafuata Katiba maana ndiyo kiongozi wetu”alisema Mutta.

MWISHO